Pierre Etcheberri

Guraso biak Bankan sortuak, bost senidetan zaharrena eta mutil bakarra da Pierre. Haragitarako behi gorriak zituzten. Baigorrin egin zituen oinarrizko ikasketak eta ondotik Laborantza ikasketak Donibane Garazin, bi urtez. Hainbat lanbidetan ibilia da, familiako etxaldean zein kanpoan. Azken urteetan Baigorriko Etxauzia gazteluko zaintzailea izan da; hotela zen garaian, bisita gidatuak ere egiten zituen bertan. Gazteluaren historia kontatu du elkarrizketan, eta baita Bankako zein Baigorriko beste hainbat kontu.