Astoarekin errotara; ogia etxean

Transkripzioa

- Ta zer zeuketzuen basarrin, ganadue?
- Danak, gauze danak. Leheno garixe, artue, babie... dana eitten zan, ba? Guk danak eitten giñuzen.
- Ze eitten zenduen... errota bertan zeukezuen, etxe ingurun?
- Errota Olabarrixan.
- Etxetik gertu?
- Aingeru Guarda ingurun, hantxe pixket goratxuo.
- Eta haruntza juten ziñeten.
- Haraxe jun ber iriña ekartzea. Garixe o artue hartu ta haraxe jun ta ekarri.
- Ta nola juten ziñeten, oiñez ?
- Astuukin!
- Astoa hartuta?
- Berko oiñez jun! Ordun ez zaon automobillik!
- Alaba: Etxin ez [zauken] ez argiik ta ez urik.
- Astoa hartuta?
- Astuukin errotaa.
- Eta han ze ein ber izaten zenduen? Pagau ein ber izaten zenduen zeoze?
- Bearek kentzen zun ematen zendun zorrotik. Lakie kentzen zun.
- Nola? Lakie?
- Bai. Bai be, harek kilue edo eztakit nik zenbat kentzen zun. Zorro hartatik kentzen zun harek, guk ez giñon dirurik ematen baiñe... holan eitten gendun.
- Eta ogia eitten zenduen etxen?
- Bai.
- Zuk itten zendun ogie etxen?
- Bueno... etxin zaonak!
- Alaba: Artue´re bai, ez, ama ?
- Artue´re bai batzutan ta... hola, artue ta esnie jan ta...
- Eta etxen indako ogie kalea saltzen zenduen?
- Ez, ez, ez, etxeako lain.
- Garai hartan ogie ze izaten zan, razionamentukoa?
- Ez. Gero zin razionamentukuk! Gero. Guk nahikue ogi eukitzen gendun erosi ezkero.
- Eta soron-ta ze lan eitten zittuzuen?
- Soruun? Esan dizut, ba! Artue ta babie ta garixe ta... izeten zin gauzak. Oin garixe ahaztuta dao, baiña guk beti itten gendun, urtero-urtero.
- Eta haik kalea saltzen zittuzuen, azokaa o nunbaittea?
- Ez, ez, ez, etxeako.

Egilea(k): Aintzane Agirrebeña (Badihardugu Euskara Elkartea)