Ramoni Mujika Imaz

Gurasoak Astigarragakoak zituen eta bera ere Santio mendiko Arrazpi baserrian jaio zen. Zazpi senide ziren, bi aita desberdinenak, eta bera zaharrenetarikoa zen. Gogoan du zazpi senideek ohe berean lo egin izana. Bederatzi urte besterik ez zituela, neskame joan behar izan zuen Hernanira. Astigarragako Mieltxo tabernan ere ibili zen lanean; eta bere jaiotetxean ere taberna jarri zuten, nahiz eta denbora gutxi iraun zuen. Hernaniko paper-fabrikan lan egin zuen bi urte exkaxean; eta, ezkondu aurreko urteetan, Donostiako jostun bati aritu zen etxeko lanetan laguntzen. Ezkondu eta berehala, Donostiara joan ziren bizitzera eta han berrogeita hamar urte inguruz bizi izan ziren. Azken urteetan, Astigarragan bizi izan dira.