Mari Garmendia Astigarraga

Goikiri auzoan sortu zen 1926. urtean. Sei neba-arrebatatik hirugarrena izan zen, hirugarren alaba. Arrigorriagako plazako eskolara gutxi (euria egiten zuenean) eta berandu joan zen, neba zaintzen eta etxeko martxa aurrera eroaten lagundu behar izaten zuen-eta. Euren etxeko txakolina eta sagardoa oso ezaguna izan zen garai haietan, hainbat ospakizunetan jendea bertan batzen baitzen. Denetariko ortuariak eta tabakoa ereiten zuten Goikirin. Gerra Zibileko bizipenak bizi-bizi azaldu dizkigu, koban ezkutatuz etxea bonba batek zelan zulatu zien kontatuz. Zaratamoko Gutiolo baserrira ezkondu zen; bertan ere baserriko lanei ekin zien, behi-esnearekin egindako gazta preziatua egitearekin batera.