Gaztetako ibilerak; auzoetako jaietan gonbidautzak egoten ziren

Transkripzioa

-Saldia. Eta konbidauek etorten zienerako ba egoten zan salda ona eindde, porrue ta perejilla sartu, eta kriston perolakadak, zerak eindda egoten zien etorten zienien konbidauek, meza aurretik jeneralien. gero meza nausittara fateko. Ta ataraten jaten ba saldie, etorten zienien, saldie, euren baso ardaotxuekin, eta ogixe, eta gure ebanak zatitxuek ein eta hartzen euen saldie ta gero meza nausittara faten zien danak. Meza nausi ostien ba egoten zan jeneralien orduen garbantzue izeten zan. Aza-garbantzuek haxe nahikua. Azak eta garbantzua. Okeliakin. Ifiñi morduek okela gaiñien. Okela egosixe ta hola ifiñi ta txorixue ta holan gaiñien ifiñi ta ataraten zeuen bi edo hiru fuentetan, ze jente asko juntetan zan eta. Eta gero gaiñien ba oillaskue. Oillaskue patata erriekin, edo ensaladiakin, edo holaxe ataraten zan. Eta gero arrozkoletxie edo flana. Gure amak itten zittuen flanak ederrak. Beste postregintzaik ez dakit asko jakingo euen. Arrozkoletxie ta zerak eitten zittuen ederrak, e, flanak. Eta ha izeten zan jaixetako zera, postria. Flana edp arrozkoletxia. Ba horixe izeten zan. Gero alegre, kantau ta, jentia alegre egoten zan, e. Alegre baiña, e. Kontuak esan eta kantau ta tiuak eta. Gero holakotxen baten ardaue be eraten zan eta gero ardauakin piñ-pil ein, eta gero, bueno!, dana alegría izeten zan, alegría. Eneee! Gero beste leku batzutatik be, gurien gazte jentie euen ba asko; beste leku batzutatik, Arozteittik-eta?, Bedoñakuek, Arozteikuek be baeuken bere zera, parientiek han, eta haik be etorten zien. Danak azkenien Zelaikora. Zelaikuen bueltia eitten euen eta euken, salie euken haundixe, haundixe euken salia, ta hango triki-traka-triki-traka, eta hango dantzia eta. "Botako ete joskuk guri paretok? Botako ete jittuek hemengo ormok, zera?" Hango dantzia eta..., ene! Baiña pasetan zan elegante, e! pasetan zan ondo. Haxe, disfrutau. Horregatik esaten dotsut. Gaur... gaurko gaiztiei esaixoxone hori, eta zuen modukuei. Esaiozue hori bai, eta puf! Baiña orduen ez zaon besteik. Eta horrexegaz disfrutetan zeuen; horrexegaz disfrutetan zan. bai.
-Gonbidautzia zanian batzuetan tokauko zan alde batera joatia eta beste batzuetan bestera.
-Klaro! Geu be holaxe faten giñan Bedoñara-ta. Bedoñera, Zubillagara. Zubillagan be han geuken tiuek. Bedoñera, Bedoñan be bi etxetan geuken, eta bedoñera fatie asko gustetan jakun, hotzak haundixak eitten zittuen eta bertan geratzen giñen lo itten. Eta tiak ifintten oskun han ohie, baiña, enee!, izotza lakotxe hotza egoten zan. Bi aizta edo sartzen giñen barruan, bai, eta hala be ezin berotu, ezin berotu. Ez oskun ardura, ez oskun bape ardura, hala ta guzti be ondo pasatzen gauen. "Ondo in dozue lo?" tiak jagiten giñanian, "ondo in dozue lo?", eta. "Ai, hotz puxkat" Ene!, hotz euki dozue?". Hementxe ladrillue, hementxe don ladrillue eruen zeikien" eta. "mentxe don ba ladrillue", ... Ez zoskun guri inporta. Kustiñue da ondo pasetia. Ondo pasatzen zan. Nik esaten dot oin askotan [entzuten dot]: "Ai, gazte-denporia geizki!". Nik esaten dot: "gaste denporia geizki?". Nik ez juat /etxuat/ ba geizki pasau sekule. Guk ez geuen diruik. Gurian ez euen diruik. Nik horreatik esaten dotsut: ez euen diruik. Zorrik be ez, horixe ez. Zorrik be ez baiña diruik be ez. Gure gurasuek ez zien /etxien/ zorrik ixtekuak, hoixe ez. baeuen ekarriko zan, eta ez baeuen barriz euenakin pasau. Baiña zorrik ez. baiña diruik be ez, e! Nundik egongo zan dirua?

Egilea(k): Juan Martin Elexpuru (Badihardugu Euskara Elkartea)