Belea sartu ahoan

Transkripzioa

Hori, amerikano bat. Eta bere semeak kontatzen zuen, aitak kontatua, aita zen amerikanoa, eta, Ameriketan urte mordoxka bat eginda etorri da eta, lehenago hemen ezkondu zen, eta oraindik soltero zegoelarik joaten ziren Doneztebera merkatura. Eta Sunbillan generalmente afari mokadu bat egin, musean pixka bat ari eta goiz aldera etxera. Eta, bidean heldu direlarik, gauerdi aldera edo horrela eta erran dio:
- Hi, motel. Ño! Nik hementxe kuluxka bat egin behar diat, lo pixka bat egin behar diat.
- Motel! Motel! Alde egin ezak hemendik! Hemen zer egin behar duk hik lo?!
Eta:
- Bai, bai, bai, nik nahita ere egin behar diat lo.
- Bo, bo, bo! Alde egin ezak, Jaungoikoaren izenean! Orain hemen lo?
Eta:
- Bai, bai, bai, nik lo egin behar diat.
Bidean bazterreko aldera aldatu da, jarri da hortzaz gora, eta bertzea fumatzailea zen hori, amerikano hori, horrek zigarroa piztu du, eta, etzanda jarri den denboran ru! atera zaio bele beltz bat bezala ahotik. Eta, handik minutu batzuetara etorri eta ra! sartu zaio berriz, eta, edarkar bat ederra egin eta:
- Bueno, goazen motel, a zer kuluxka goxoa egin dudan!
Eta bertzea harritua, sorprenditua edo ikaratua, ikusten duen denboran akontezimentu hura.

Egilea(k):