Egunero meza

Transkripzioa

- Bai, e... orduan urrian izaten zen egunero sei t’erdietan meza. Hasten zen txintxirria seietan, neskak izaten ziren joaten zirenak, joan eta hasten ordu erdi bat gelditu gabe tin! tin! tin! tin! tin! tin! tin! tin! tin! tin! Eta gero meza, prozesioa, hemen, kantari...
- Egunero?!
- Egunero.
- (Alaba) Goizeko sei eta erdietan.
- Egunero prozesioa...!
- Bai, “Esnatu zaiteztez” kantatzen zuten...
- Nola?

- “Esnatu zaiteztez,
Gaur egun sentia,
Esnatu zaitezten,
Birjiña Maria”

Bueno, nik... gutxi entenditzen dut, baina zerbait ere horrela zen kantatzen zutena... Eta igandeetan berriz izaten zen lau eta erdietan meza, ehiztari meza.
- Ehiztariena?
- Urri... urrian bai. Eta, akotadoan ginenak han Ekaitzan, apezari eramaten genion hori, meza hori pagatzeko bi uso, bakoitzak.
- A, bai?
- Bai.
- Eta lehenbiziko usoa ez zitzaion ematen apezari? Lehenbiziko usoa… ez? Ehizatzen zenutena…
- Ez, bi uso, nahi zelarik bakoitzak eraman, meza hori goizean emateko lau eta erdietan. Ez dakit meza uztea orduan... joe! Bakizu zer zen?
- Hogeita hiru, bakoitzak bi uso, orduan apezak uso alde ederra bilduko zuen!
- Bai… Eta gero, gero... hori... atera zuten subasta, libre, nahi zuenak hartu. Guk hamar urterako hartu genuen, eta gero hamar urteak pasatu zirelarik subasta libre atera zen, eta, kanpotarrek hartu zuten, baziren hemen… ortze... markesak eta, Marqueses de Astigarraga, eta, gero... famosoak hemen… Irungo ardo almazeneko hori, Artzak, eta... bueno, gipuzkoarrek horrela hartu zuten. Baina, apeza usorik gabe, eta kendu zuen lau eta erdietako meza hori: "Hemen ez bada aitzinetik pagatzen, ez dut mezarik emanen". Gu joan ginen hiru lagun ea meza... ematen zuen, eta horrela, eta: "Nik behar ditut ehun duro, eta ez badituzue horiek, ehun duro horiek ekartzen, ez da mezarik izanen. Eta bihar ez da mezarik zergatik ez da anuntziatua". Eta, bueno, bueno, nik… ez nuen gehiago kasurik egin. Eta joaten ginen Berara, han ere... fraideak edo istorioak eta hori goizean goiz ematen zuten, eta, harat meza entzun, eta gero Ekaitzara joateko.
- Beraraino joan lehenbiziko?!
- Bai... zer erlijioa, e!

Egilea(k):