Maria Ester Legarreta Ansa

Aranoko Beheko Herriko Mairtzenea baserrian jaio zen. Aita zuen bertakoa eta ama, berriz, Mairtzenea baino beheraxeago dagoen Ezkerran Bordakoa. Lau senide izan ziren eta bera bigarrena eta emakume bakarra zen. 11 urterekin neskame lan egin zuen herriko Kooperatiba tabernan eta herriko festa batzuetan Plaza tabernan ere laguntzen aritu zen. Guzti horrek lagunduko zion agian, Kontseju taberna utzi zutenean, urte asko zeramaten tabernariei erreleboa hartzera. 17 urte egin zituen herriko taberna horretan eta geroztik egin dituen lanak ere taberna inguruetan izan dira gehienetan. Aranon bizi izan da beti.