Carlos Onaindia Laka

Elexalde auzoko Goitxibeko jaio ziren 11 neba-arreba, aitaren jaiotetxean, ama Ikadi baserrikoa zen. 8 hilabete zituela osabarenera joan zen bizitzera, 13 urte bete arte egon zen bertan, Belakola baserrira morroi joan arte. Eskolara gutxi joan zen. Morroi garaian Lekeitioko portuan ere aritu zen gatza eta ikatza zekarten itsasontziak deskargatzen. Aitagaz ikatza egiten zuen Lekeition saltzeko. Herriko domeketako soinu-jotzailea izan zen 5 urtez. 1964an Australiara joan ziren bi anaia azukre-kanaberak ebakiten, gerora tabakotan eta basoko lanetan ere aritu ziren. Bere jaiotetxearen ondoan dagoen Iturrangoikoa baserrira ezkondu zen. Carlos batez ere basoko lanetan aritu da, gustuko lana hori izan du eta pasioz kontatzen ditu lanbide horren kontuak. Urte askoan herriko sakristaua izan da.