Edurne Ugartemendia Urruzola

Juliana Urruzola zuen ama, eta Ignacio Mari aita, alkizarrak eta baserritarrak biak. Aitaren jaiotetxean jaio zen, Benzalaga baserrian eta bertan bizi izan zen 17 urte bete arte. 11 senideetan zaharrena izanik gazte-gaztetatik hasi zen lanean. Eskola gustatu ez eta neskame lanetan aritu zen Gasteizen eta Donostiako Lasa ostatuan. Jendaurreko lana nahiago zuela-eta, Eibarko Gure Kaiola jatetxea eta Bartzelonako Clinton hotela ezagutu zituen. 27 urterekin, Alkizara bueltatu eta urte haietan senargai izan zuen Jose Telleria ibartarrarekin ezkondu eta bi alaba izan zituen. Bere hitzetan, jaioterria bihotzean daramala antzematen da Alkizaz mintzo denean. Gazteen eta emakumeen bizimodua nola aldatu den eta beste hainbat kontu kontatu dizkigu.