Rita Odriozola Barrena

Aizarnazabalgo Azpiko baserrian jaioa. Aita baserri hartakoa bertakoa zuen, eta ama, berriz, Bekola baserrikoa. Sei senidetan zaharrena da Rita. Aizarnazabalgo istorio ugari kontatzen ditu (eskabetxeria zegoenekoa, udaletxea erre zenekoa, gerra ondorena, baserriko kontuak…) eta zehaztasun handiz gogoratzen ditu gertaeren datak. Gazte garaian, dena pekatu zela esaten du; balsean aritzea asko gustatzen eta neskekin aritzen omen zen mutilekin aritzea ez zelako libre. Garai batean, beldur handiarekin bizitzen zela dio. 1960. urtean, Aizarnazabalgo Nikolas Lazkanorekin ezkondu zen, eta hiru semeren ama da.