Josefina Korta Unanue

Aizarnazabalgo Zubialde auzoko Batistaenea etxean jaioa. Gurasoak ere herrikoak zituen eta sei senidetan bosgarrena da bera. Etxean bertan, goiko pisuan, bizi zen Zubialde auzoko maistra eta Josefinak hantxe egin zituen ikasketak. Oso gaztetxo zela Zarautza joan zen neskame eta handik Irungo hotel batera; hiru hilabetez behin edo itzultzen zen etxera bisitan. Irunen frantsesa ikasi behar izan zuen hoteleko bezeroekin komunikatzeko. Martin Zubizarretarekin ezkondu zen eta hiru seme-alaba izan zituzten.