Antonio Iriondo Barrena

Aizarnazabalgo Bekola baserrian jaio zen, lau senidetan zaharrena. Aita Mutrikukoa zuen, eta ama, berriz, Bekola bertakoa. Aizarnazabalen eta Zestoako "hermanotan" egin zituen oinarrizko ikasketak. Baserri atarian zerrategia zuten, baita errota ere, eta izaten zen non lan egin. 19 urte zituela, etxeko nagusiak, gurasoekin elkar hartuta, Elgoibarrera bidali zuen ikastera. Han, zerrak zorrozten eta egurra neurtzen ikasi zuen. 46 urtean aritu da basoak tasatzen, egurrak eta tabloiak neurtzen... Gipuzkoa osoan zehar. Gaztetatik izan du bertsotarako zaletasuna. Agustina Elustondorekin ezkondu eta hiru seme-alaba izan zituzten.