Jose Gastelu-Urrutia Arabio-Urrutia

1922. urtean sortu zen Gaztelu auzoko Aristiganen bederatzi seme-alabadun familia batean. Gurasoak ere auzo horretako zituen. Abadiñoko eskolara ahal zenean joaten ei ziren, baserrian behar asko izaten zuten-eta. Gerra aurretik, 13 urte zituenerako, morroi joan zen Berrizera eta bertako bi familiatan egon zen 16 urtera arte. Hainbat gairi buruzko informazioa eman zigun elkarrizketan bere emazteagaz batera: Gazteluko antzinako bizimodua, errekako arrantza, perretxikoak, Gerra Zibila, basoko beharrak, auzolana, ermandada... Trañara ezkondu zen bertako Deogracias Sarrionandia-Ibarragaz. Elkarrizketa garaian, eurak ziren Abadiñon jaiotako eta elkarrekin ezkondutako andra-gizonak zaharrenak; izan ere, 66 urtez ezkonduta egotea ez du edonork lortzen.