Rafael Agirre Legorburu

Kale Nagusiko Arrieskalleta izeneko etxean jaio zen Rafael. Gurasoak Lezokoak zituen. Ama Herrikoetxe baserrikoa eta aita kalekoa. Txikitan, haurtxoa zela gaitz larriren bat pasa eta bizkar hezurretik elbarri gelditu zen Rafael.1937 urtean, hamar urte zituela, ama eta anaia hil zitzaizkion tifusarekin. Orduan Errenteriako fraideetan zebilen eskolan eta eskola utzi behar izan zuen. Ama hil eta Hondargain etxera joan ziren bizitzera eta han oilotokia jarri zuen Rafaelek eskola utzita.Aita epileptikoa zen eta Arrasateko Santa Agedan bizitu zen urte askoan. Ama bizi zela denda txiki bat zuten Kale Nagusian eta atzealdean arotz lanetarako tresnak izaten zituen aitak, arotza baitzen, Rafael mutikoa zela han aritzen zen bere lanak egiten.Hamalau urterekin Errenteriako Urbietaren ebanisterian hasi zen lanean. Handik Trintxerpeko Andonegiren itsasontzi enpresara pasa zen arotz gisa, itsasontzietan mota guztietako egur konponketak egiten zituen eta etxetan ere aritzen zen.Franco hil zen urtean, 51 urte zituenean enpresa itxi eta langile guztiak bidali zituzten. Orduan Errenteriako Elizalden hasi zen lanean etxetan sarrerako-ateko sarrailak jartzen lana utzi zuen arte. Lezoar batekin ezkonduta dago eta bi seme-alaba dituzte.