Opilak jan

Transkripzioa

- Eta gero izaten zen errota, eta (...) garia ehotzekoa, errota berean bi, bi erro izaten ziren, garia ehotzekoa eta artoa ehotzekoa. Eta, garia ehotzeko hartan ehotzen genuen garia, eta egiten zen pues… esnea izaten zen beti etxean nahikoa, pues, ahia. Papilla, orain papilla erraten den hori egiten zen, irinarekin aski ona egiten zen gainera.
- (Erraina): Haurrentzat bakarrik, edo...?
- E, geuretzat! Joe, bost, sei litroko eltze bat esne egosi, eta bota hari irin hura eta nahas-nahas-nahasi egin eta loditzen zelarik, pues, ura jan eta lo egitera.
- A, afaltzeko bale, bale.
- Afaltzeko, afaltzeko, afaltzeko izaten zen. Pues opilak egiten ziren, eta opila pixka bat nahasi hari eta ez zen txarra izaten, e! Hagitz gustu ona izaten zuen arto, edo… irin hark. Hura izaten zen guretzat lautik hirutan afaria. Pues lehen nola ez zen izaten ogirik, pues, gu… guk izanen genituen hamabi, hamahiru urte ogia jaten hasi orduko, plantan. Gu eskolan ibiltzen ginelarik ere, beti oroitzen naiz ni zaku txiki batean, arto irina ekartzen nuen goizetan. Lau baldin baginen, lau senide, zaku batean. Errentan jaten genuen, hor eltzaria ematen ziguten, eta hor opilak egiteko egina. Zenbat opilna izanen zen haren neurria? Lau opilarena, opil bana. Eta gu joaten ginen bazkaltzera eta Mayi, Mari, Jesus zer meritua! Igual gu eta Argaratetxeberrikoak eta igual bost-sei lagun, edo zazpi-zortzi haur. Joan eta opilak, opilak egiten aritzen zen, gu joaten ginelarik opilak egiten igual tla-ta-ta-ta-ta... hartzen zuen opila eskutara holaxe, eskutan joka, kozinara pla! kozina gainera eta kozina, sukaldea dena ketan. Opilak han nabala handi batekin flak! buelta eman, flak! bertzaldera, eta harrika zuri. “A, to, hiretzat!” eta, “To, bertzea hiretzat!” eta plater bat eltzaria han izaten genuen, plater… eltzari hura jana izaten genuen, eta etxetik ekarri izaten genuen txokolate pastilla bat, edo gazta puskaren bat, edo zerbait ere. Pues, opil harekin gazta puska hura jan eta plazara, pilotan aritzera. Hura izaten zen gure bizia.

Egilea(k):