Egur-batzea Elosun, auzolanean

Hizlaria(k): Gabilondo Alberdi, Mateo

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan BER-098-008 kodeko bideoa nahi duzula aipatzea: ahotsak@ahotsak.eus

Txertatu audioa:

Egurra aizkorarekin bota eta apaintzea, familiako kideek egiten zuten. Egurra batzea berriz, lan astuna zen eta auzolanean egiten zen. Elosu inguruko ikazkin gehienek beraientzat egiten zuten ikatza. Gerra osteko urteetan basomutilak ibiltzen ziren ikazkin lana egiten.

« Aurrekoa Hurrengoa »

Auzoa: Elosu
Proiektua: Karobiak, txondorrak eta elurzuloak
Elkarrizketatzailea(k): Amaia Olañeta - Argiñe Urkiola
Data: 1994(e)ko martxoaren 01a
Iraupena: 0:02:21
Erref: BER-098/008
Kodifikatzailea: Itziar Alberdi Bilbao
Emalea: Bergarako Udala
Gaia(k): Herria, azpiegitura » Herri-antolaketa » Auzoak , Politika » Gerraostea eta Francoren diktadura » Gerratik itzulera , Baserria » Baserriko lanak » Baserriari lotutako lanbideak

Transkripzioa

- Eta lana zenbaten artian eitten zan?
- Lana… bota egurra bota eitten zan jeneralien edo gehixenetan zerakin, aizkorakin botatzen zan —ez zan beste sistimarik izeten—, bota eta apainddu ya familixan eitten zan. Ta gero batzia nola lan haundixa zan, bizkarrien batu biher zan, zeaitti egurra botatzen zan entresakien edo tarti… haundiña botatzen zan eta ezin zeiken ganauekin-ta ezin zeiken ibili zerian eta batu bihar izeten zan bizkarrakin. Eta hori alkarri lagunduta eitten zan. Gaur egun baten eitten zan gurian, hurrengo Gomezkortan eingo zan ta hurrengo beste baten eta egurrak batu eitten zien zerien, kuadrillan.
- Eta iños ein zenduen, ez dakit, holan, kuadrillan baten-edo biherra beste bateronbatentzako edo? Ala beti etxerako?
- Etxerako. Bai, guk… Nik neuk etxerako ein neban. Eta hemengo iketz-lana gehixena bakoitza beretako izen zan. Lehen esan dotena, gerra-ondoko epoka horretan egon zien basomutillek esaten jaten kuadrilla bat. Hementxe be ibili zien. Geure tio batek erabili zittuen eta harek jardun [eben] nere tio batentzako. Harek hartu zittuen baso batzuk eta eitten. Lehen esan dotena, ba, estimaziño haundi bat euken iketzak eta…
- Eta horrek ze zien, euskaldunak, bertokuak ala…?
- Bai, euskaldunak zien eta, geiñera, euskaldun-euskaldunak zien: Osintxukuak, napar bat euki eben… Erak kalekuak zien, baiña urte txarrak zien, gosie euen kalian, dirua´re, ba, oso gutxi euen eta, ba, hona mendira etorri ta pezeta batzuk irabaztera […] ezkonduta bizi zienak Osintxun, Plazentzin ta horretan.
- Esan dozu basomutillak ziela horrek?
- Basomutillek esaten jaten, baiña zien hemengotxe gizon batzuk, hemengotxe gizon batzuk. Eta erak ikezgiñan ez ekixen eta napar bat erabili eben iketza egosten edo zerien. […].
- Eta holan esaten jakuen, basomutillak?
- Basomutillek. Basomutillei askotan esaten jako horrei be bai eta baitta piñu botatzen dabitzenei eta beste askotan, ba, basuan dabitzen mutillei.

Egilea(k): Aintzane Agirrebeña (Badihardugu Euskara Elkartea)