Baserritarrak gutxiago ziren ustea

Pasarteak jarraian erreproduzitu

Hizlaria(k): Ibarbia Sarriegi, Mari Carmen

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan BEA-033-002 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Beasain eta inguruko herrietan euskararen egoera oso desberdina zen. Ordiziako giroa; egoera. Amonaren ustez, trenbidea egitera etorritako jendearen eraginez hasi zen euskara galtzen Beasainen. Bertako jendearen erantzuna. Erdara vs. euskara; kaletarrak vs. baserritarrak. Baserritarrak ezjakinagoak zirela pentsatzen zuten askok. Eskolara joatearen garrantzia.

« Aurrekoa Hurrengoa »

Proiektua: Beasaingo euskara eta etnografia
Elkarrizketatzailea(k): Itziar Alberdi Bilbao
Data: 2006(e)ko urtarrilaren 03a
Iraupena: 0:02:15
Erref: BEA-033/002
Kodifikatzailea: Itziar Alberdi Bilbao
Gaia(k): Euskara » Euskararen egoera , Euskara » Euskalkia, herri hizkerak, euskara batua , Familia eta harremanak » Herriko giroa » Baserria vs. Kalea

Transkripzioa

- Orduan, ez dakit, egoera oso desberdiña zan Beasaiñen edo inguruko herrietan?
- Bai. Bai, bai, bai, bai, bai. Ta Ordizin´e gehio eitten zan Beasaiñen baiño.
- Merkatua zala ta…
- Bai. Merkatue nola zan, ingurutako herritatik etortzen zan jendea ta, ordun, ba, trato… ganadue ta eoten zan ta hoik danak euskeraz. Baiño Beasaiñen… Eta esaten dizut, gure amonak esaten zon ferrobiariokatik zala.
- Orduan haiek kanpotik etorri eta…
- Kanpotik bai, bai. “De fuera vendrán que de casa te echarán” da erderaz esaerea ta… Bai, bai.
- Eta bertako jendeak ez zuen holako ahalegin edo…?
- Ez, geittu… ba… atrebittu´re ez ordun. Karo, ikusten zuen erderaz, “jo, gu baiño gehio die” pentsauko zuen. Ba, nik behin batekin euki non diskusio bat: baserritarrak ez ziela hain azkarrak. Ta esan nion: “Zuk ez diazu esango zu ni baiño azkarragoa zeanik”, “Nik ez det hori esan nahi! Nik ez det…”, “Ez, hori esan diazu ta ez, ni ez naiz zu baiño tontagoa, e! Zu ez zea ni baiño azkarragoa, e! Tontagoa´re ez, baiño azkarragoa´re ez, e!”. Horrek ez du ezer jakin nahi. Baserrian jaio… Baserrin bakizu zer gertatzen zan asko? Baserriko lana baldin bazoen, eskola´re asko faltau. Ta kalekok egunero-egunero; gertugo, ta beti… Baiño ez tontogoa dalako, e, baserritarra. Baiño harekin… Baiño iruitzen zitzaien, ba, hori, ez bazekien erderaz, ba, gutxigo zekiela o nik ez dakit. Bai, bai.
- Eta orduan bazegoen pixkat pentsaera hori…
- Bai, bai, hemen bai.
- … basarriko jendea, ba, hori, ez? Pixkat…
- Gutxigo giñela. Bai, bai.
- Eta esan duzu, gaiñera, burlak edo…?
- Bai, bai, “Casera!”, hola, burla bezela esaten zan, bai.
- Bertako jendeak, baiña?
- Bai, bai, baiño erdaldune, e? Jende erdaldune hemen bertan bizi zana. Bai. Oaindio´re badare batzuk, e! Azokan hemen baserritarrak eta bee berdurak eta azak diela eta hau dala eta bestea dala saltzen jartzen die, ta batzuk: “Mira las caseras vendiendo”. Oaindio´re badare. Bai, bai. Ta nik hola aitzen badiet, nik… ez naiz ixilik geitzen. Eske min ematen dit! Min ematen dit egia esanda.

Egilea(k): Aintzane Agirrebeña (Badihardugu Euskara Elkartea)