Arrosarioa eta udazkena

Pasarteak jarraian erreproduzitu

Hizlaria(k): Azkarate Larrañaga, Andoni

Deskarga:

Bideo hau erabili nahi baduzu, jarri gurekin harremanetan eta kalitate onean bidaliko dizugu. Ez ahaztu mezuan ANT-079-015 kodeko bideoa nahi duzula aipatzea: ahotsak@ahotsak.eus

Txertatu bideoa:

Tamaina:

640 x 480

960 x 720

Arrosarioa errezatzea eguneroko eginbeharra izaten zuten. Ganbara, ukuilu, sukalde...edonon lanean zeudenak entzuteko modura, mutikoren batek denen erdian jarrita errezatzen zuen denek entzuteko modura. Udazkena izaten zen sasoirik lanpetu eta neketsuena. Neguan etxean egin ahal zuten, baina udaran arropak garbitzera Uzarragako harraskara joaten ziren.

« Aurrekoa Hurrengoa »

Proiektua: Deba Eskualdeko Ahotsak - Antzuola
Elkarrizketatzailea(k): Kepa Elortza
Data: 2009(e)ko maiatzaren 20a
Iraupena: 0:02:12
Erref: ANT-079/015
Kodifikatzailea: Kepa Elortza
Gaia(k): Baserria » Baserriko bizimodua » Baserriko bizimodua , Ohiturak eta bizimodua » Erlijioa » Elizaren indarra , Ohiturak eta bizimodua » Kontakizunak eta sinesmenak » Kultur transmisioa , Ohiturak eta bizimodua » Jantzi eta orraztu » Arropa garbitzea

Transkripzioa

-Hori obligaua, egunerokua.
-Eguneroko kontua zan?
-Bai, orduan hori obligaua izaten zan, errosarixo kontua be. Uda atzenian-ta, jo-ta akabauta lanian, bateko artua, garua, iria edo garua ekarri, harek pillau bihar ganbaran, beste batzuk behixak jatxi bihar illuntzian… Familixia baeuan, baiña batzuk ganbaran garo pillatzen, beste batzuk zaltaixan, etxekoandria sukaldian afarixa gertatzen ta beste mutikon bat-edo erdixan, danak entzun daixen erresarixua, zertzen, errosarixua errezatzen, danondako altu, danok zertzeko.
-A, mutikuak, amandriak ez?
-Bai, mutikua, mutikua ya koskondua. Eta gurian akordatzen naiz baten, osabak: “zer, hor ez dok moztu-edo baten bat in?”, “Eztakit ba!”. Hola, badakitzu, aspertuta mutikuak. Baiña zan ha obligaua.
-Letania batzuk saltau in zittuan orduan?
-Bai, bai. Gehittu ez, gutxittu beti. Baiña, bai, gauza normalak. Orduan udazkena-ta gogorra izaten zan, gogorra. Idixekin, burdixekin ekarri bihar garua batetik, sagarra, bestia, bestia... dana. Udatzenien e… Urte guztia, baiña udatzena…
-Eta etxekoandrak erropak garbiketara-eta errekara faten ziren edo?
-Ez, guk hemen errekarik... Esan dotena, Uzarragara. Uzarragan hor lehen [esan doten] eskolak eta elizia-eta dare.
-Labaderua dago?
-Labaderua, bai. Han itten eben. Oin, negu partian-ta hemen bertan, ura euen artien. Baiña pasatzen zan, ba, beti billurrez, ta azkenian gastau itten zan ura ta…
-Zuek puxetia edo lixibia edo itten zeuein?
-Bai, bai, bai, lixibia, bai Lixibia, bueno! hori... lixibia, biheko.
-Sutautsakin, ez?
-Bai.
-Jaboi merkiena.
-Bai. Errautsa ta…

Egilea(k): Kepa Elortza