Kantagintzan lagundu nahi zion gizon ulezuriaMaisua, aztia, pentsalari fina eta euskalzale trebatua zen denontzat. 1974an ezagutu zuen, 18 urterekin. Kantatzen hasi berria zen eta Otxandiora deitu zioten kantaldi baterako. Adineko gizon bat etorri zitzaion amaieran kantuak elkarrekin egiteko bere burua eskainiz. Orduan ezagutu zuen Bittor. Handik astebetera joan zen haren baserrira. Diamante baten aurrean zegoela jabetu zen. Konturatu zen Bittorren jakituria lurretik zetorrela, naturatik. Berez sortutako landarea zen. Ilea hazteko ukendua eskaini zion, baina ez zion esan zelan egiten zen. Hori egiten zuen, gauzak kontatu bai baina ez osoan; jakinmina sortu, baina norberak deskubritu behar zituen gauzak.