Joxe Antonio Garmendia Etxeberria

Gaintzako Elosegi baserrian jaioa, bertan bizi izan zen 15 urte bete zituen arte, orduan Irazusta baserrira mugitu zen bere familiarekin; Elosegin errentan zeuden eta aitak etxea erosteko nahia bete zuen. Gaintzako eskolan ibili zen, baina askotan kale egin beharra izaten zuen baserri lanetan aritzeko, berak ere, nahiago izaten zuen itzula ibili eskolara joan baino. Hamabi urte zituela artzaina zuen osabarekin morroi joan zen Zarautzera, negua pasatzera; ondorengo bost urtetan ere, horixe izan zen bere patua eta artzaintzaren nondik norakoak ederki barneratu zituen. Soldaduska Tenerifen egin eta bueltatu zenean, baserri nahiz artzaintza lanetan jardun zuen.