Umeek euskaraz jarduteko "burbuilak"<p>Gogoan du oso umetan Gabi taberna gaineko falangearen lokalera joaten zela euskal kantak eta jolasak ikastera. Marisol Gurrutxaga, Begoña Andonegi, Miren Vallejo gogoratzen ditu irakasle gisa. Txangoak egiten zituzten mendira eta euskaraz jarduten zuten bertan. Geroago, jada Elgoibarko Izarra sortuta, euskarazko kinara joaten ziren. Garai hartan Elgoibarko giroa oso erdalduna zen eta pertsona batzuk euskararen "burbuilak" sortzen eta zabaltzen saiatu zirela uste du.</p>