Koldo Artola Kortajarena

Donostia (Gipuzkoa) (1938)

Biografia

Elkano kalean jaioa, zazpi senidetan gazteena. Ama Anoetakoa zuen eta aita donostiarra. Aitona (aitaren aita) pertsona ezaguna izan zen Donostian: Pepe Artola idazle eta antzezlea. Eta baita birraitona ere (Peperen aita), Ramon Artola idazle euskaltzalea. Alabaina, Koldok ez zuen euskararik jaso etxean, Donostiako giroa oso erdalduna baitzen gerraostean. 21 urterekin hasi zen euskara ikasten, eta handik aurrera euskalkiak izan dira bere pasioetako bat. Lanbidez aurrezki kutxa batean lanean aritu arren, nekaezin jardun du ahozko ondarea eta euskalkiak jasotzen, bereziki Nafarroan eta Iparraldean. Euskaraz mintzo ziren azken hiztunak elkarrizketatu zituen hainbat herri txikitan, besteak beste Izaban eta Uztarrozen. Eta Euskal Herriko Atlas Etnolinguistikorako hainbat eta hainbat inkesta egin zituen 14 urtean zehar, Aranzadi elkartearekin. Lanean jarraitu du gerora ere, jasotakoa transkribatzen, eta 2014an "Ziorditik Uztarrozeraino" lan mardula plazaratu zuen, inguru hartako azken hiztunen testigantzekin. Ohorezko euskaltzaina ere bada. 

Zintak

KodeaDataProiektua
DON-176 2016 Euskal Herriko Ahotsak
DON-177 2016 Euskal Herriko Ahotsak

Pasarteak

Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute

#Titulua
1 Ramon eta Pepe Artola idazle ezagunak Bideoaren ikonoa
2 Pepe Artolak umorezko bakarrizketak egiten zituen Bideoaren ikonoa
3 Pepe Artolak bertso sortak idatzi eta kaldereroak zuzendu Bideoaren ikonoa
4 Rosario Artolaren lanak Bideoaren ikonoa
5 Pepe Artolaren eta Bilintxen kaleak Bideoaren ikonoa
6 Etxean ez zuen euskara jaso Bideoaren ikonoa
7 Euskara nola berreskuratu zuen Bideoaren ikonoa
8 "Mendi taldea" izeneko elkartea Bideoaren ikonoa
9 Ikurrina debekatuta zegoenekoa Bideoaren ikonoa
10 Ume garaian, Donostian euskara gutxi entzuten zen Bideoaren ikonoa
11 Julian irakaslearekin euskarazko kantak Bideoaren ikonoa
12 Aita Zabalak aitonaren kontuak jaso zituen Bideoaren ikonoa
13 Aranzadin Euskal Herriko Atlas linguistikoa egiten Bideoaren ikonoa
14 Fidela Bernat erronkariarrarekiko harremana Bideoaren ikonoa
15 Fidela Bernat erronkariarrak beti noka Bideoaren ikonoa
16 Erronkarieraren hainbat ezaugarri Bideoaren ikonoa
17 Fidela Bernat erronkariarra Euskal Telebistan Bideoaren ikonoa
18 Pedro Irizarrekin batera aditzak biltzen Bideoaren ikonoa
19 Grabaketak egiteko aparatuak Bideoaren ikonoa
20 "Ziorditik Uztarrozeraino" izeneko lana Bideoaren ikonoa
21 Euskara eta biolentziaren artean lotura
22 Euskara berreskuratzen, ingurua biztanlez husten
23 Azken hiztunak aurkitzeak pena eta poza
24 Hegoaldeko nafarrerako esamolde batzuk
25 Ohorezko euskaltzain
26 "Sagardoaren graziya" kanta
27 Ramon Artolaren eta Pepe Artolaren liburuak
Gipuzkoako aldundia Kutxa Eusko Jaularitza Bizkaiko aldundia