Gazta egiten Esnea hogeita hemezortzi gradutara berotuta egiten da gazta. Esnea gehiago berotuz gero, gazta zakarragoa ateratzen da; esne hotzagoarekin, aldiz, beragoa. Esneari gatzagi naturala gehitzen zaio; esnea lehortu egiten da, eta txikitu egin behar izaten da hori guztia. Eskuekin bildu eta zapaldu, eta gazura apartatu egiten da. Ondoren, latazko molde borobil batzuetan sartzen zen gazta; molde hauei "sumitz" esaten die Joxe Luisek, eta hondoa zulotxoz josia izaten zuten, eskuz estutzerakoan gatzura guztia irten zedin.