Elias Galartza Aranguren
Oleta auzoa; Aramaio (Araba) (1935)
Biografia
Eliasek 17 hilabete zituela, gerra denboran, erre zen Goikoetxe baserrian jaio zen, Oleta auzoan. Familia Aurtola auzuneko Martena eta Kortazarrena baserrietan banatu zen orduan. Geroago eskola zaharreko etxea erosi eta baserri bihurtu zuten. Sei urtetik hamabira auzoan eskolatu zen. Gero bi urtez Otxandion ikasi ondoren, Gasteizko “Escuela de Aprendices Diocesana”n ofizialtza mekanikoa ikasi zuen. Eibarko Atxa lantegian dentista eta bizarginentzako besaulkiak egiten jardun zuen bi urtez. Eskopeta industriara pasatu eta Eibarren, Otxandion eta bere etxean prestatutako tailer batean ere egin zuen lan. Eskopetagintzak porrot egin zuenean, Otxandioko Aulasa lantegian bost urtez jardun eta gero, bere familiarekin Bizkaira joan zen. Zaratamo herriko ”Pradera Hermanos”en egin zuen lan erretiroa hartu arte. Beste lankide eta lagun batzuekin auzolanean, Basauriko lehen ikastola jarri zuten martxan 1972-73 urteetan, eta bertan eskolatu ziren bere alabak. Amurrioko Maria Pilar de Llano Aranarekin ezkondu eta bi alaba izan zituzten.
Zintak
| # | Kodea | Data | Iraupena | Proiektua | Elkarrizketatzailea(k) |
|---|---|---|---|---|---|
| ARA-113 | 2010 | Euskal Herriko Ahotsak | Kepa Elortza |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute
