Arsenio Irazabalbeitia Araiztegi
Antzuola (Gipuzkoa) (1930)
Biografia
Galartza auzoko Elorriaga baserrian jaio zen, lau anai-arrebatatik hirugarrena. Ama auzoko Gorrizandia baserrikoa zuen, eta aita, berriz, Elgetakoa. Uzarraga auzoko eskolan hasi zen sei urterekin. Joxe Mari Agirre bertako maisua, sakristaua eta ile-apaintzailea ere bazen, eta emazte sukaldariarekin batera taberna-jatetxea kudeatzen zuten auzoan. Arseniok eskola partikularrak jaso zituen Bergaran 11 urterekin, eta, geroago, Antzuolan ere ikasi zuen. Etxeko eta basoko lanetan jardun zuen urteetan. Auzotar batzuen artean esne-behi granja bat jarri zuten, baina behiok gaixotu zirenean utzi zion granjari. Orduan, “Movillas” ehun eta tindategi lantegian hasi zen lanean; handik Oregi tenplaketa lantegira joan zen, eta “Impreci” kooperatiban bukatu zituen bere lan jardunak, jubilatu zenean. Amaren jaiotetxean bizi ziren hiru anai-arreba ezkongabeei laguntzera joan zen Gorrizandia baserrira, eta, azkenean, bertara ezkondu zen.
Zintak
# | Kodea | Data | Iraupena | Proiektua | Elkarrizketatzailea(k) |
---|---|---|---|---|---|
ANT-084 | 2010 | Euskal Herriko Ahotsak | Kepa Elortza | ||
ANT-085 | 2010 | Euskal Herriko Ahotsak | Kepa Elortza | ||
ANT-118 | 2004 | Antzuolako toponimia | Kristina Pavo |
Pasarteak
Hiztun honen materiala landuta dago eta hauek dira oraingoz aztertuta eta katalogatuta ditugun pasarteak. Bideoa edo transkripzioa duten pasarteek ikonotxoa dute